ບົດຖະແຫຼງຂ່າວ

ຂອງຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂ ພະຍາດ​ອັກ​ເສບ​ປອດ​ທີ່​ເກີດ​ຈາກ​ເຊື້ອຈຸລະ​ໂລກ​ສາຍ​ພັນໃໝ່ COVID-19

ປະຈໍາວັນອັງຄານ ວັນທີ 09 ມິຖຸນາ ປີ 2020

ໂດຍ: ທ່ານ ດຣ. ພອນປະເສີດ ໄຊຍະມຸງຄຸນ, ຮອງຫົວໜ້າ ກົມຄວບຄຸມພະຍາດຕິດຕໍ່,  

       ກະຊວງສາທາລະນະສຸກ.

• ສະບາຍດີ ຜູ້ທຸກໆ​ທ່ານ​ທີ​ຮັບຟັງ ແລະ ຮັບຊົມ ທີ່ນັບຖື ແລະ ຮັກ​ແພງ. ຂ້າພະເຈົ້າ

ຂໍລາຍງານ:

1. ສະພາບການເຝົ້າລະວັງ COVID-19 ຢູ່ ສປປ ລາວ ຮອດ 5 ໂມງແລງ ຂອງວັນທີ 08 ມິຖຸນາ 2020
1. ການຕິດຕາມຜູ້ເດີນທາງຈາກຈຸດຜ່ານແດນຕ່າງໆ
   • ຈໍານວນຜູ້ເດີນທາງເຂົ້າມາ ມີທັງໝົດ 1,466 ຄົນ

-       ຈຸດຜ່ານດ່ານລາວ-ໄທ 756 ຄົນ ລາຍລະອຽດດັ່ງລຸ່ມນີ້:

o     ຜ່ານດ່ານຂົວມິດຕະພາບແຫ່ງທີ II ມີ ແຮງງານລາວ 46 ຄົນ (ມີຖິ່ນຖານມາຈາກສະຫວັນ

ນະເຂດ 38 ຄົນ,​ ຄຳມ່ວນ 05 ຄົນ, ນະຄອນຫຼວງ 02 ຄົນ ແລະ ຈຳປາສັກ 01 ຄົນ).

o     ຜ່ານດ່ານຂົວມິດຕະພາບ III ມີແຮງງານ 27 ຄົນ (ມີຖິ່ນຖານມາຈາກຄຳມ່ວນ 25 ຄົນ ແລະ ສະຫວັນນະເຂດ 02 ຄົນ).

o     ແຮງງານລາວເຂົ້າມາ ຜ່ານດ່ານວັງເຕົ່າ-ຊ່ອງເມັກ ມີ 76 ຄົນ (ມີຖິ່ນຖານມາຈາກຈຳປາສັກ 56 ຄົນ,​ ສາລະວັນ 12 ຄົນ,​ ສະຫວັນນະເຂດ 06 ຄົນ ແລະ ນະຄອນຫຼວງ 02 ຄົນ)

o     ເຫຼືອນັ້ນແມ່ນ ຄົນຂັບລົດສົ່ງສິນຄ້າ 607 ຄົນ.

-       ຈຸດຜ່ານດ່ານລາວ -ຈີນ 16 ຄົນ, ທັງໝົດ ແມ່ນຜູ້ຂັບລົດຂົນສົ່ງສິນຄ້າ.

-       ຈຸດຜ່ານດ່ານລາວ - ຫວຽດນາມ 622 ຄົນ, ໃນນັ້ນ ມີຄົນລາວກັບມາແຕ່ປິ່ນປົວ 02 ຄົນ ຜ່ານດ່ານນ້ຳພາວ, ແຂວງບໍລິຄຳໄຊ, ເຫຼືອນັ້ນ ແມ່ນຄົນຂັບລົດສົ່ງສິນຄ້າ 620 ຄົນ.

-       ຈຸດຜ່ານດ່ານລາວ - ກຳປູເຈຍ 00 ຄົນ.

-          ຈຳນວນຜູ້ເດີນທາງຜ່ານສະໜາມບິນສາກົນວັດໄຕ 72 ຄົນ, ໃນນັ້ນ ມີແຮງງານຈີນ 70 ຄົນ ແລະ ຄົນລາວ 02 ຄົນ.

·      ທຸກຄົນໄດ້ແທກອຸນຫະພູມຮ່າງກາຍ, ກວດຫາອາການຜິດປົກກະຕິ, ແຕ່ບໍ່ພົບຜູ້ມີອາການເປັນໄຂ້ ແລະ ໄດ້ເກັບຕົວຢ່າງທຸກ​ໆຄົນມາກວດ (ຍົກ​ເວັ້ນແຕ່​ຜູ້​ຂັບ​ລົດ​ຂົນ​ສົ່ງ ​ແລະ ​ຜູ້​ຕິດ​ຕາມ​) ແລ້ວຈຶ່ງນຳສົ່ງໄປ​ຫາສະຖານທີ່ ຈຳກັດບໍລິເວນ ທີ່ກຳນົດໄວ້ຈົນກວ່າຈະຄົບກຳນົດ 14 ວັນ.

2. ການເກັບຕົວຢ່າງມາກວດວິເຄາະ ແລະ ຄົ້ນຫາຜູ້ຕິດເຊື້ອພະຍາດ
   • ໃນວັນທີ 08 ມິຖຸນາ 2020, ໄດ້ເກັບຕົວຢ່າງມາກວດວິເຄາະທັງໝົດ 319 ຄົນ, ໃນນັ້ນ ແຮງງານລາວກັບມາແຕ່ໄທ 227 ຄົນ, ແຮງງານຈີນ 77 ຄົນ, ກໍລະນີສົງໄສ 14 ຄົນ ແລະ ຜູ້ຕິດເຊື້ອນອນປິ່ນປົວຢູ່ໂຮງໝໍມິດຕະພາບ 01 ຄົນ (ນ້ຳເບີ 07).  
   • ຜົນກວດຂອງ ແຮງງານລາວ, ແຮງງານຈີນ ແລະ ກໍລະນີສົງໄສ ທີ່ກວດມື້ວານນີ້ ບໍ່ພົບເຊື້ອ.
   • ໝາຍຄວາມວ່າໃນວັນທີ 08 ມິຖຸນາ 2020 ບໍ່ມີຜູ້ຕິດເຊື້ອໃໝ່.
   • ສັງລວມການກວດວິເຄາະ ແຕ່ເດືອນມັງກອນ ຮອດ ວັນທີ 08 ມິຖຸນາ 2020 ໄດ້ເກັບຕົວຢ່າງມາກວດທັງໝົດ 8,926 ຕົວຢ່າງ, ກວດພົບເຊື້ອສະສົມ 19 ຄົນ (58 ມື້ແລ້ວທີ່ບໍ່ພົບຜູ້ຕິດເຊື້ອໃໝ່).
3. ການຕິດຕາມຜູ້​ຖືກຈຳກັດບໍລິເວນຢູ່ໃນສະຖານທີ່​ ທີ່ກຳ​ນົດ​ໄວ້​ໃນ​ຂອບ​ເຂດທົ່ວປະເທດ
   • ປະຈຸບັນນີ້ທົ່ວປະເທດ ມີສູນຈໍາກັດບໍລິເວນ ທັງໝົດ 80 ສູນ, ມີຜູ້ຖືກຈຳກັດບໍລິເວນຢູ່ສູນ 3,262 ຄົນ, ໄດ້ເກັບຕົວຢ່າງມາກວດວິເຄາະ ທັງໝົດ ແລະ ບໍ່ພົບຜູ້ຕິດເຊື້ອ.
4. ການຕິດຕາມປີ່ນປົວຄົນເຈັບຢູ່ໂຮງໝໍ
5. ນອກຈາກການຕິດຕາມສະພາບການລະບາດ​ຂອງ​ພະ​ຍາດ COVID-19 ພາຍໃນປະເທດແລ້ວ ຄະນະສະເພາະກິດຍັງໄດ້ຕິດຕາມສະພາບການລະບາດຂອງບັນ​ດາປະເທດໃກ້ຄຽງ ແລະ ໃນໂລກ ເຫັນວ່າ:

·        ມາຮອດເວລາ 6:00 ໂມງເຊົ້າ ຂອງວັນທີ 09 ມິຖຸນາ 2020, ທົ່ວໂລກມີການລາຍງານການລະບາດ ທັງໝົດ 213 (ປະເທດ/ເຂດ).

-  ມີການຢັ້ງຢືນຜູ້ຕິດເຊື້ອພະຍາດ COVID-19 ແມ່ນ 7,182,933 (104,353 ໃໝ່)     

-  ເສຍຊິວິດ 408,015 (3,054 ໃໝ່) ເຊິ່ງກວມເອົາ 5.68 % ຂອງຜູ້ຕິດເຊື້ອທັງໝົດ.

-  ປີ່ນປົວຫາຍດີ 3,506,341  (53,289 ໃໝ່) ເຊິ່ງກວມເອົາ 48.8 % ຂອງຜູ້ຕິດເຊື້ອ      

   ທັງໝົດ.

·      ປະເດັນສຳຄັນ ແມ່ນຍັງມີການລະບາດເປັນວົງກວ້າງຢູ່ໃນ ທະວີບອາເມລິກາ ແລະ ທະວີບຍູຣົບ, ມີບາງປະເທດ ຈໍານວນຜູ້ຕິດເຊື້ອໃນ​ວັນດຽວ ​ແມ່ນມີເຖິງ 17,928 ຄົນ (ອາເມຣິ

ກາ) ແລະ ບາງປະເທດເສຍຊີວິດ​ເຖິງ 723 ຄົນ (ບຣາຊິວ) ຕໍ່ມື້.

·      ໃນບັນດາກຸ່ມປະເທດອາຊຽນ ມາຮອດເວລາ 6:00 ໂມງເຊົ້າ ຂອງວັນທີ 09 ມິຖຸນາ ມີການຢັ້ງຢືນ ຜູ້ຕິດເຊື້ອພະຍາດ COVID-19 ແມ່ນ 105,113 (1,831 ໃໝ່), ເສຍຊີວິດ 3,102 ​ຄົນ, ຍັງມີບາງປະເທດທີ່ມີອັດຕາການຕິດເຊື້ອໃໝ່ສູງເຖິງ 847 ຄົນ (ອິນໂດເນ

ເຊຍ) ຕໍ່ມື້. ມື້ວານນີ້ເສຍຊີວິດໃນປະເທດອາຊຽນທັງໝົດ 40 ຄົນ.

6. ຂໍ້ແນະນຳ

ບັນດາທ່ານທີ່ນັບຖື ແລະ ຮັກແພງ,

• ບັນດາທ່ານໄດ້ຮັບຟັງຂໍ້ມູນ ສະພາບການລະບາດຂອງພະຍາດ COVID-19 ຢູ່ປະເທດເຮົາກໍ່ຄື ຢູ່ໃນບັນດາປະເທດອາຊຽນ ແລະ ໃນທົ່ວໂລກ;
• ພວກເຮົາຕີລາຄາວ່າສະພາບການລະບາດຢູ່ປະເທດເຮົາ ແລະ ປະເທດທີ່ມີຊາຍແດນຕິດຈອດກັບ ສ​ປ​ປ ລາວ ແມ່ນຜ່ອນຄາຍລົງຫຼາຍແລ້ວ. ສະເພາະຢູ່ ສປປ ລາວ 58 ມື້ແລ້ວ ບໍ່ມີຜູ້ຕິດເຊື້ອໃໝ່, ຜູ້ຕິດເຊື້ອສະສົມ 19 ຄົນ ແລະ ປິ່ນປົວດີ ແລ້ວ
• ຜົນສຳເລັດໃນເບື້ອງຕົ້ນນີ້ ຍ້ອນມີການຊີ້ນຳ ນຳພາ ທີ່ດີຂອງການນຳຂັ້ນສູງພັກ-ລັດ ກໍ່ຄືອຳນາດການປົກຄອງທຸກຂັ້ນ, ຍ້ອນມີການຮ່ວມແຮງຮ່ວມໃຈຈາກພໍ່ແມ່ປະຊາຊົນບັນດາເຜົ່າ,ມີການສະໜັບສະໜູນຈາກບັນ​ດາ​ປະ​ເທດເພື່ອນມິດ, ອົງການຈັດຕັ້ງສາກົນ, ຄູ່ຮ່ວມພັດທະ

ນາ, ພາກທຸລະກິດ ແລະ ອົງການຈັດຕັ້ງທາງສັງຄົມທຸກພາກສ່ວນ ເຊິ່ງຈະເປັນບົດຮຽນອັນສຳຄັນໃຫ້ແກ່ພວກເຮົາໃນການກຳນົດນະໂຍບາຍ, ແຜນປະຕິບັດງານ ໃນຕໍ່ໜ້າ ເພື່ອສະກັດກັ້ນ ແລະ ແກ້ໄຂການລະບາດຂອງພະຍາດ COVID-19 ກໍ່ຄືພະຍາດຕິດຕໍ່ອື່ນໆ.

• ບັນດາທ່ານ ທີ່ນັບຖື ແລະ ຮັກແພງ, ຄຽງຄູ່ກັບພະຍາດ COVID-19 ກໍ່ຍັງມີ ພະຍາດຕາມ
• , ໂດຍສະເພາະແມ່ນ ພະຍາດໄຂ້ຍຸງລາຍ ພວມກຳລັງມີການລະບາດ ເຊິ່ງມີຕົວ
• 1,676 ຄົນ ແລະ ມີການເສຍຊີວິດ 5 ຄົນ.

• ສຳລັບການເຂົ້າ-ອອກ ສປປ ລາວ ໄລຍະຜ່ອນຜັນນີ້ ແມ່ນໃຫ້ປະຕິບັດຕາມຄຳແນະນຳ ສະ
• 1444/ຕປທ.ສພກ, ລົງວັນທີ 01 ມິຖຸນາ 2020.
• ຂໍຮຽກຮ້ອງໃຫ້ພໍ່ແມ່ປະຊາຊົນບັນດາເຜົ່າ, ທຸກພາກສ່ວນໃນສັງຄົມຈົ່ງສືບຕໍ່ປະຕິບັດແຈ້ງການ ແລະ ຄຳແນະນຳຂອງຂະແໜງການຕ່າງໆ ດ້ວຍຄວາມຮັບຜິດຊອບສູງຈົນກວ່າຈະມີການປ່ຽນແປງໃໝ່;
• ຂໍໃຫ້ບັນດາທ່ານຕິດຕາມຂ່າວ ຈາກພາກປົກກະຕິຂອງໂທລະພາບ, ວິທະຍຸກະຈາຍສຽງ, ໜັງສືພິມ ແລະ ສື່ຕ່າງໆ. ລາຍລະອຽດຂອງຄຳແນະນຳ, ຂໍ້ມູນທີ່ເປັນທາງການ, ທ່ານຍັງສາມາດຕິດຕາມໄດ້ຈາກເວັບໄຊ້ www.covid19.gov.la ແລະ ເຟດບຸກຂອງສູນສື່​ສານ​ເພື່ອ​ສຸ​ຂະ​ພາບ ແລະ ສຸຂະສຶກສາ.
• ການຖະແຫຼງຂ່າວປະຈຳວັນອັງຄານ ວັນທີ 09 ມິຖຸນາ 2020 ມາຮອດນີ້ໄດ້ສີ້ນສຸດລົງ.

ຂໍຂອບໃຈ ໃນການຕິດຕາມຮັບຊົມ ແລະ ຮັບຟັງ