ຖະແຫລງຂ່າວ

08/06/2020


ໄຟລ໌ແນບ (s):
​ຫົວ​ຂໍ້ ດາວ​ໂຫຼດ
ບົດອອກຂ່າວທີ 8 ມິຖຸນາ 2020

ບົດຖະແຫຼງຂ່າວ

ຂອງຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂ ພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ COVID-19

ປະຈໍາວັນຈັນ ວັນທີ 08 ມິຖຸນາ ປີ 2020

ໂດຍ: ທ່ານ ດຣ. ລັດສະໝີ ວົງຄຳຊາວ, ຮອງຫົວໜ້າ ກົມຄວບຄຸມພະຍາດຕິດຕໍ່,  

       ກະຊວງສາທາລະນະສຸກ.

  • ສະບາຍດີ ຜູ້ທຸກໆ​ທ່ານ​ທີ​ຮັບຟັງ ແລະ ຮັບຊົມ ທີ່ນັບຖື ແລະ ຮັກ​ແພງ. ຂ້າພະເຈົ້າ

ຂໍລາຍງານ:

  1. ສະພາບການເຝົ້າລະວັງ COVID-19 ຢູ່ ສປປ ລາວ ຮອດ 5 ໂມງແລງ ຂອງວັນທີ 07 ມິຖຸນາ 2020
  2. ການຕິດຕາມຜູ້ເດີນທາງຈາກຈຸດຜ່ານແດນຕ່າງໆ
    • ຈໍານວນຜູ້ເດີນທາງເຂົ້າມາ ມີທັງໝົດ 1,419 ຄົນ

-       ຈຸດຜ່ານດ່ານລາວ-ໄທ 737 ຄົນ ລາຍລະອຽດດັ່ງລຸ່ມນີ້:

o     ຜ່ານດ່ານຂົວມິດຕະພາບແຫ່ງທີ I ມີ ແຮງງານລາວ 61 ຄົນ (ມີຖິ່ນຖານມາຈາກຫຼວງພະບາງ 27 ຄົນ,​ ນະຄອນຫຼວງ 09 ຄົນ, ຄຳມ່ວນ 06 ຄົນ, ອຸດົມໄຊ 05 ຄົນ, ໄຊຍະບູລີ 05 ຄົນ, ວຽງຈັນ 05 ຄົນ, ຊຽງຂວາງ 03 ຄົນ ແລະ ສະຫວັນນະເຂດ 01 ຄົນ).

o     ຜ່ານດ່ານຂົວມິດຕະພາບ II ມີແຮງງານ 35 ຄົນ (ມີຖິ່ນຖານມາຈາກສະຫວັນນະເຂດ 25 ຄົນ, ຄຳມ່ວນ 09 ຄົນ ແລະ ສາລະວັນ 01 ຄົນ).

o     ຜ່ານດ່ານຂົວມິດຕະພາບ III (ຄຳ​ມ່ວນ) ມີແຮງງານ 35 ຄົນ.

o     ແຮງງານລາວເຂົ້າມາ ຜ່ານດ່ານວັງເຕົ່າ-ຊ່ອງເມັກ ມີ 77 ຄົນ (ມີຖິ່ນຖານມາຈາກຈຳປາສັກ

53 ຄົນ,​ ສາລະວັນ 11 ຄົນ,​ ສະຫວັນນະເຂດ 10 ຄົນ, ຄຳມ່ວນ 02 ຄົນ ແລະ ນະຄອນຫຼວງ 01 ຄົນ)

o     ເຫຼືອນັ້ນແມ່ນ ຄົນຂັບລົດສົ່ງສິນຄ້າ 529 ຄົນ.

-       ຈຸດຜ່ານດ່ານລາວ -ຈີນ 37 ຄົນ, ໃນນັ້ນ ມີຄົນລາວ 09 ຄົນ (ແຮງງານ 05 ຄົນ) ຜ່ານດ່ານ

ບໍ່ເຕັນ, ແຂວງຫຼວງນ້ຳທາ, ເຫຼືອນັ້ນ ແມ່ນຜູ້ຂັບລົດຂົນສົ່ງສິນຄ້າ 28 ຄົນ.

-       ຈຸດຜ່ານດ່ານລາວ - ຫວຽດນາມ 639 ຄົນ, ໃນນັ້ນ ມີນັກສຶກສາລາວ 06 ຄົນ ຜ່ານດ່ານ

ແດນສະຫວັນ, ແຂວງສະຫວັນນະເຂດ, ເຫຼືອນັ້ນ ແມ່ນຄົນຂັບລົດສົ່ງສິນຄ້າ 633 ຄົນ.

-       ຈຸດຜ່ານດ່ານລາວ - ກຳປູເຈຍ 00 ຄົນ.

-          ຈຳນວນຜູ້ເດີນທາງຜ່ານສະໜາມບິນສາກົນວັດໄຕ 06 ຄົນ, ໃນນັ້ນ ມີຄົນຈີນ 05 ຄົນ ແລະ ຄົນການາດາ 01 ຄົນ.

·      ທຸກຄົນໄດ້ແທກອຸນຫະພູມຮ່າງກາຍ , ກວດຫາອາການຜິດປົກກະຕິ, ບໍ່ພົບຜູ້ມີອາການເປັນໄຂ້ ແລະ ໄດ້ເກັບຕົວຢ່າງທຸກ​ໆຄົນ ມາກວດ (ຍົກ​ເວັ້ນແຕ່​ຜູ້​ຂັບ​ລົດ​ຂົນ​ສົ່ງ​ແລະ​ຜູ້​ຕິດ​ຕາມ​) ແລ້ວຈຶ່ງນຳສົ່ງໄປ​ຫາສະຖານທີ່ ຈຳກັດບໍລິເວນ ທີ່ກຳນົດໄວ້ຈົນກວ່າຈະຄົບກຳນົດ 14 ວັນ.

 

 

  1. ການເກັບຕົວຢ່າງມາກວດວິເຄາະ ແລະ ຄົ້ນຫາຜູ້ຕິດເຊື້ອພະຍາດ
    • ໃນວັນທີ 07 ມິຖຸນາ 2020, ໄດ້ເກັບຕົວຢ່າງມາກວດວິເຄາະທັງໝົດ 300 ຄົນ, ໃນນັ້ນ ແຮງງານລາວກັບມາແຕ່ໄທ 297 ຄົນ, ກໍລະນີສົງໄສ 02 ຄົນ ແລະ ຜູ້ຕິດເຊື້ອນອນປິ່ນປົວຢູ່
    • 01 ຄົນ (ນ້ຳເບີ 07).  
    • ຜົນກວດ ແຮງງານລາວ ທີ່ກວດມື້ວານນີ້ ບໍ່ພົບເຊື້ອ.
    • ໝາຍຄວາມວ່າໃນວັນທີ 07 ມິຖຸນາ 2020 ບໍ່ມີຜູ້ຕິດເຊື້ອໃໝ່.
    • ສັງລວມການກວດວິເຄາະ ແຕ່ເດືອນມັງກອນ ຮອດ ວັນທີ 07 ມິຖຸນາ 2020 ໄດ້ເກັບຕົວ

ຢ່າງມາກວດທັງໝົດ ມີ 8,607 ຕົວຢ່າງ, ກວດພົບເຊື້ອສະສົມ 19 ຄົນ (55 ມື້ແລ້ວທີ່ບໍ່ພົບຜູ້ຕິດເຊື້ອໃໝ່).

  1. ການຕິດຕາມຜູ້ຖືກຈຳກັດບໍລິເວນຢູ່ໃນສະຖານທີ່ທີ່ກຳນົດໄວ້ໃນຂອບເຂດທົ່ວປະເທດ
    • ປະຈຸບັນນີ້ທົ່ວປະເທດ ມີສູນຈໍາກັດບໍລິເວນ ທັງໝົດ 80 ສູນ, ມີຜູ້ຈຳກັດບໍລິເວນຢູ່ສູນ 3,050 ຄົນ, ໄດ້ເກັບຕົວຢ່າງມາກວດວິເຄາະ ທັງໝົດ ແລະ ບໍ່ພົບຜູ້ຕິດເຊື້ອ.
  2. ການຕິດຕາມປີ່ນປົວຄົນເຈັບຢູ່ໂຮງໝໍ
  3. ປະຈຸບັນ, ມີຜູ້ນອນຕິດຕາມຢູ່ໂຮງໝໍມິດຕະພາບ 01 ຄົນ, ເປັນເພດຊາຍ ເຊິ່ງຈະໄດ້ສືບຕໍ່ຕິດຕາມຢູ່ໂຮງໝໍຕື່ມ.  
  4. ນອກຈາກການຕິດຕາມສະພາບການລະບາດຂອງພະຍາດ ໂຄວິດ 19 ພາຍໃນປະເທດແລ້ວ ຄະນະສະເພາະກິດຍັງໄດ້ຕິດຕາມສະພາບການລະບາດຂອງບັນດາປະເທດໃກ້ຄຽງ ແລະ ການລະບາດຢູ່ໃນໂລກ ເຫັນວ່າ:

·         ມາຮອດເວລາ 6:00 ໂມງເຊົ້າ ຂອງວັນທີ 08 ມິຖຸນາ 2020, ທົ່ວໂລກມີການລາຍງານການລະບາດ ທັງໝົດ 213 (ປະເທດ/ເຂດ).

-  ມີການຢັ້ງຢືນຜູ້ຕິດເຊື້ອພະຍາດ COVID-19 ແມ່ນ 7,078,580  (116,137 ໃໝ່)     

-  ເສຍຊິວິດ 404,961 (3,430 ໃໝ່) ກວມເອົາ 5.72 % ຂອງຜູ້ຕິດເຊື້ອທັງໝົດ.

-  ປີ່ນປົວຫາຍດີ 3,453,052 (50,355 ໃໝ່) ກວມເອົາ 48.7 % ຂອງຜູ້ຕິດເຊື້ອ    ທັງໝົດ.

·      ປະເດັນສຳຄັນ ແມ່ນຍັງມີການລະບາດເປັນວົງກ້ວາງຢູ່ໃນ ທະວີບອາເມລິກາ ແລະ ທະວີບຍູຣົບ, ມີບາງປະເທດ ຈໍານວນຜູ້ຕິດເຊື້ອໃນ​ວັນດຽວ ​ແມ່ນມີເຖິງ 19,346 ຄົນ ແລະ ບາງປະເທດເສຍຊີວິດ​ເຖິງ 492 ຄົນຕໍ່ມື້.

·      ໃນບັນດາກຸ່ມປະເທດອາຊຽນ ມາຮອດເວລາ 6:00 ໂມງເຊົ້າ ຂອງວັນທີ 08 ມິຖຸນາ ມີການຢັ້ງຢືນ ຜູ້ຕິດເຊື້ອພະຍາດ COVID-19 ແມ່ນ 103,282 (1,640 ໃໝ່), ເສຍຊີວິດ 3,062 ​ຄົນ, ຍັງມີບາງປະເທດທີ່ມີອັດຕາການຕິດເຊື້ອໃໝ່ສູງເຖິງ 672 ຄົນຕໍ່ມື້. ມື້ວານນີ້ເສຍຊີວິດໃນປະເທດອາຊຽນທັງໝົດ 59 ຄົນ.

  1. ຂໍ້ແນະນຳ

ບັນດາທ່ານທີ່ນັບຖື ແລະ ຮັກແພງ,

  • ບັນດາທ່ານໄດ້ຮັບຟັງຂໍ້ມູນ ສະພາບການລະບາດຂອງພະຍາດ COVID-19 ຢູ່ປະເທດເຮົາກໍ່ຄືຢູ່ປະເທດ ໃນອາຊຽນ ແລະ ໃນທົ່ວໂລກ;
  • ພວກເຮົາຕີລາຄາວ່າສະພາບການລະບາດຢູ່ປະເທດເຮົາ ແລະ ປະເທດທີ່ມີຊາຍແດນຕິດຈອດກັບສ​ປ​ປ ລາວ ແມ່ນຜ່ອນຄາຍລົງຫຼາຍແລ້ວ. ສະເພາະຢູ່ ສປປ ລາວ 55 ມື້ແລ້ວ ບໍ່ມີຜູ້ຕິດເຊື້ອໃໝ່, ຜູ້ຕິດເຊື້ອສະສົມ 19 ຄົນ ແລະ ປິ່ນປົວດີ ແລ້ວ18 ຄົນ , ຍັງເຫຼືອ 01 ຄົນ ທີ່ຍັງຕິດຕາມຢູ່ໂຮງໝໍ.
  • ໝາກຜົນອັນສຳຄັນເບື້ອງຕົ້ນນີ້ ຍ້ອນມີການຊີ້ນຳ ນຳພາ ທີດີຂອງການນຳຂັ້ນສູງພັກ-ລັດ ກໍ່ຄືອຳນາດການປົກຄອງທຸກຂັ້ນ, ຍ້ອນມີການຮ່ວມແຮງຮ່ວມໃຈຈາກພໍ່ແມ່ປະຊາຊົນບັນ

ດາເຜົ່າ, ມີການສະໜັບສະໜູນຈາກບັນ​ດາ​ປະ​ເທດເພື່ອນມິດ, ອົງການຈັດຕັ້ງສາກົນ, ຄູ່ຮ່ວມພັດທະນາ, ພາກທຸລະກິດ ແລະ ອົງການຈັດຕັ້ງທາງສັງຄົມທຸກພາກສ່ວນ ເຊິ່ງຈະເປັນບົດຮຽນອັນສຳຄັນໃຫ້ແກ່ພວກເຮົາໃນການກຳນົດນະໂຍບາຍ, ແຜນປະຕິບັດງານ ໃນຕໍ່ໜ້າ ເພື່ອສະກັດກັ້ນ ແລະ ແກ້ໄຂການລະບາດຂອງພະຍາດCOVID-19 ກໍ່ຄືພະຍາດຕິດຕໍ່ອື່ນໆເຊັ່ນ ໄຂ້​ຍຸງ​ລາຍ.

  • ສຳລັບການເຂົ້າ-ອອກ ສປປ ລາວ ໄລຍະຜ່ອນຜັນນີ້ ແມ່ນໃຫ້ປະຕິບັດຕາມຄຳແນະນຳ ສະ
  • 1444/ຕປທ.ສພກ, ລົງວັນທີ 01 ມິຖຸນາ 2020.
  • ຂໍຮຽກຮ້ອງໃຫ້ພໍ່ແມ່ປະຊາຊົນບັນດາເຜົ່າ, ທຸກພາກສ່ວນໃນສັງຄົມຈົ່ງສືບຕໍ່ປະຕິບັດແຈ້ງການ ແລະ ຄຳແນະນຳຂອງຂະແໜງການຕ່າງໆ ດ້ວຍຄວາມຮັບຜິດຊອບສູງຈົນກວ່າຈະມີການປ່ຽນແປງໃໝ່;
  • ຂໍໃຫ້ບັນດາທ່ານຕິດຕາມຂ່າວ ຈາກພາກປົກກະຕິຂອງໂທລະພາບ, ວິທະຍຸກະຈາຍສຽງ, ໜັງສືພິມ ແລະ ສື່່ຕ່າງໆ. ລາຍລະອຽດຂອງຄຳແນະນຳ, ຂໍ້ມູນທີ່ເປັນທາງການ, ທ່ານຍັງສາມາດຕິດຕາມໄດ້ຈາກເວັບໄຊ້ www.covid19.gov.la ແລະ ເຟດບຸກຂອງສູນສື່ສານເພື່ອສຸຂະພາບ ແລະ ສຸຂະສຶກສາ.
  • ການຖະແຫຼງຂ່າວປະຈຳວັນຈັນ ວັນທີ 08 ມິຖຸນາ 2020 ມາຮອດນີ້ໄດ້ສີ້ນສຸດລົງ.

ຂໍຂອບໃຈ ໃນການຕິດຕາມຮັບຊົມ ແລະ ຮັບຟັງ

 

 

ສາຍດ່ວນ
ລະດົມທືນຊ່ວຍເຫຼືອ
ລັດຖະບານ
ກະຊວງ ສາທາລະນະສຸກ
ອົງການອານະໄມໂລກ